शास्त्री इन्स्टिट्यूट ऑफ फार्मसी तर्फे जळगाव येथे डी. फार्म व बी. फार्म विद्यार्थ्यांची शैक्षणिक  ज्ञानवर्धक भेट

प्रतिनिधी : शास्त्री इन्स्टिट्यूट ऑफ फार्मसी तर्फे डी. फार्मसी व बी. फार्मसी विद्यार्थ्यांसाठी शैक्षणिक फील्ड व्हिजिटचे आयोजन करण्यात आले. या अभ्यास भेटीचा मुख्य उद्देश विद्यार्थ्यांना औषधनिर्मिती प्रक्रिया, गुणवत्ता नियंत्रण, औद्योगिक कार्यपद्धती तसेच पर्यावरण संवर्धन यांची प्रत्यक्ष व सखोल माहिती मिळावी हा होता.

या अभ्यास भेटीदरम्यान विद्यार्थ्यांनी खालील ठिकाणी प्रत्यक्ष भेट देऊन महत्त्वपूर्ण माहिती प्राप्त केली.

१) खान्देश आयुर्वेदिक फार्मसी :
येथे विद्यार्थ्यांना आयुर्वेदिक औषधनिर्मितीची प्रक्रिया, कच्च्या मालाची निवड, गुणवत्ता नियंत्रण, पॅकेजिंग तसेच साठवणूक व्यवस्थेबाबत सविस्तर मार्गदर्शन करण्यात आले.

२) पॉलिमेड फार्मास्युटिकल्स :
या औषधनिर्माण उद्योगात विद्यार्थ्यांना आधुनिक उत्पादन तंत्रज्ञान, गुणवत्ता आश्वासन (QA), गुणवत्ता नियंत्रण (QC), GMP मानके तसेच औद्योगिक कार्यपद्धतींची प्रत्यक्ष माहिती देण्यात आली.

३) लांडोर खोरी वनोद्यान, मोहाडी रोड :
येथे विद्यार्थ्यांनी पर्यावरण संवर्धन, जैवविविधता आणि निसर्ग संपदेचे महत्त्व प्रत्यक्ष अनुभवातून जाणून घेतले.

ही क्षेत्रीय भेट विद्यार्थ्यांच्या अभ्यासक्रमातील सैद्धांतिक ज्ञानाला प्रत्यक्ष अनुभवाची जोड देणारी ठरली. औद्योगिक वातावरण, कार्यशिस्त आणि व्यावसायिक पद्धतींचा जवळून अनुभव घेतल्यामुळे विद्यार्थ्यांच्या व्यावहारिक ज्ञानात लक्षणीय वाढ झाल्याचे दिसून आले.

या फील्ड व्हिजिटसाठी संस्थेचे ज्येष्ठ प्राध्यापक प्रा. अनुप कुलकर्णी, प्रा. दिग्विजय पाटील, प्रा. योगेश्वरी लोहार, प्रा. श्रद्धा शिवदे आणि प्रा. गायत्री सूर्यवंशी उपस्थित होते. सर्व प्राध्यापकांनी विद्यार्थ्यांना प्रत्यक्ष निरीक्षणातून शिकण्यास प्रोत्साहन दिले, शंकांचे निरसन केले तसेच मौल्यवान मार्गदर्शन केले.

ही शैक्षणिक अभ्यासभेट विद्यार्थ्यांसाठी अत्यंत ज्ञानवर्धक व प्रेरणादायी ठरली असून अशा उपक्रमांमुळे विद्यार्थ्यांचा सर्वांगीण विकास साधण्यास निश्चितच मदत होते, असे संस्थेच्या वतीने नमूद करण्यात आले.